Pas Valbona Memës, futet në Big Brother edhe mbesa e saj, këngëtarja e njohur

Këtë vit ishte rradha e Valbona Memës të ishte pjesë e Big Brother, por vitin tjetër mesa duket do shohim mbesën e saj këngëtaren Xhesika Polo. E ftuar në programin ‘Më prit në fundjavë’ me Ermal Peçin, Xhesika tregoi se është gati ta provoj vetën vitin tjetër në këtë sfidë.

Këngëtarja është përfolur shpesh për lidhjen me tezen, artisten Valbona Mema. Lidhur me lojën e saj në ‘BBVIP’ tha: ‘Kisha lexuar lajmet që do futej, nuk më thoshte gjë. E kam ndjekur dhe e kam mbështetur, tezja është bërë një yll tani dhe pse jo mund të bëjmë një bashkëpunim’, tha Xhesika.

Xhesika ndau detaje edhe nga projekti i saj i fundit “Humba veten”. Ajo tregoi se kënga sjell ndjesi të saja personale dhe sa është krijuar shumë shpejt nisur nga emocionet personale.

E pyetur nga Ermali për dyzimet se çfarë kënge duhet të publikoj ndikuar edhe nga shijet e publikut, ajo shtoi se shpesh herë nuk ka bërë kompromise në emër të audiencës.

Xhesika pohoi se po krijohen shumë këngë dinamike e ritmike për muajt që po vijnë.