Kur vjen puna për të takuar fëmijët, Brad Pitt ndjek një rregull që përfshin të dashurën e tij

Angelina Jolie i ka vendosur Brad Pitt një rregull specifik për kujdestarinë e fëmijëve, duke i kërkuar që të mos i takojë asnjëherë ata në prani të partneres së tij të re, Ines de Ramon. Burime të afërta pranë aktores e konfirmuan këtë lajm para pak ditësh dhe tashmë mediat i janë vënë pas Pitt për të vërtetuar nëse po e zbaton rregullin.

The Sun ka publikuar disa foto nga vizita e fundit që fëmijët e aktorit bënë në shtëpinë e tij, por para saj ata vunë re largimin e së dashurës së Pitt, rreth 15 minuta më herët sesa ardhja e fëmijëve. Burime për median e njohur kanë zbuluar se fëmijët që e vizitojnë Brad rregullisht janë dy më të rinjtë dhe kjo rutinë e çiftit është e përhershme.

Duke marrë parasysh betejën e gjatë ligjore që Brad ka pasur me Jolie, sidomos për kujdestarinë e fëmijëve, përpjekjet e tij për të qëndruar brenda rregullave bëjnë sens, pasi kjo është mundësia e fundit dhe e vetme që mund të ketë për të pasur kontakt me fëmijët.

Për ata që nuk e dinë, Jolie dhe Pitt kanë 6 fëmijë në total, nga të cilët disa prej tyre janë të adoptuar. Të gjithë fëmijët janë shumë të afërt me aktoren, ndërsa me Brad, vetëm më të vegjëlit kanë kontakt.