LAJMI I FUNDIT/ Ministrja Kushi infektohet me koronavirus: Jam e karantinuar dhe…

Ministrja e Arsimit, Evis Kushi, është infektuar me koronavirus.

Lajmin e bën të ditur vetë Kushi, nëpërmjet një postimi në facebook, ku thotë se aktualisht është e karantinuar dhe se po ndjek të gjitha udhëzimet e mjekëve.

Kushi ka bërë thirrje për respektimin e rregullave dhe protokolleve në fuqi, për të parandaluar përhapjen e virusit.

Statusi i plotë në “Facebook”

“Të dashur miq,

Pas testimit për COVID-19, ju informoj se kam rezultuar pozitive. Aktualisht jam karantinuar, duke ndjekur të gjitha udhëzimet e mjekëve dhe do të vazhdoj t’i përmbush detyrat nga shtëpia.

Ju bëj thirrje të gjithëve, të respektoni të gjitha rregullat dhe protokollet në fuqi, për parandalimin e përhapjes së virusit.

Uroj shumë shëndet për ju dhe familjet tuaja!”