Motra feston 25 vjetorin e lindjes, Dua Lipa publikon fotot nga fëmijëria dhe i bën urimin e veçantë: Mbështetem tek ty pavarësisht gjithçkaje!

Rina Lipa, motra e Dua Lipës feston sot 25 vjetorin e lindjes, ndërsa ylli botëror i muzikës i ka bërë një urim të veçantë.

Dua ka ndarë disa fotografi me të motrën që kur kanë qenë të vogla dhe të tjera tashmë të rritura. Krahas këtyre fotove, ajo ka bërë edhe një mesazh urimi, duke theksuar se Rina është shoqja e saj më e mirë.

Ylli me famë botërore shton se ndihet me fat për prezencën e Rinës në jetën e saj, ndërsa shton se mund të mbështetet tek ajo për gjithçka.

“Gëzuar ditëlindjen për njeriun tim më të dashur, motrën time, shoqen time më të mirë, ajo tek e cila mund të mbështetem pa marrë parasysh çfarë ndodh!!! Të dua shumë Rinusheeee <3333 25 vite… nuk e besoj sa me fat jam që të kam në jetën time!!!”, ka shkruar këngëtarja shqiptare krahas fotove në Instagram.