Në Miss Universe me një fustan të bërë me kanaçe: Prindërit grumbullonin plehra, jam mirënjohëse
Modelja e cila përfaqësonte Tajlandën në “Miss Universe” Anna Sueangam-iam mahniti publikun me një fustan të bërë me kanaçe. Fustani është bërë viral duke grumbulluar më shumë se 250,000 pëlqime që kur Sueangam-iam e postoi në Instagram.
Fustani i cili u dizenjua nga marka Manirat dhe kombinon hapëset e kenaçeve prej alumini me kristalet Swarovski. Fustani i Annës ka gjithashtu një histori e cila i emocionoi të gjithë.
“Ky fustan u frymëzua nga mjedisi ku jam jetuar përgjatë fëmijërisë sime”, ka shkruar ajo. “Duke u rritur me prindër grumbullues plehrash, jeta ime si fëmijë ishte mes grumbujve të mbeturinave dhe materialeve të riciklueshme. Ky fustan unik u bë qëllimisht me materiale të hedhura dhe të ricikluara, përkatësisht ‘Skeda e kanaçes’ për t’i paraqitur UNIVERSIT atë që konsiderohet e pavlerë. Nga shumë njerëz në fakt posedon vlerën dhe bukurinë e vet. Faleminderit të gjithëve që e patë, e dëgjuat dhe shpresojmë që jeni mesazhi i vetëvlerësimit.”
Anna Sueangam-iam lindi dhe u rrit në një lagje të varfër në Bangkok. Familja e saj më vonë e dërgoi në një tempull për ta mbrojtur nga një mjedis i pasigurt. Ajo u rrit mes murgeshave budiste dhe vaktet e saj përbëheshin kryesisht nga mbetjet e murgjve. Ajo tani shpreson të përdorë platformën e saj për të përfaqësuar dhe përforcuar zërat e fëmijëve nga prejardhje të paprivilegjuar. Anna aktualisht punon me një numër organizatash jofitimprurëse.
