Nxënësit ulërasin për yllin e popit, Melania mendon se entuziasmohen për të (video)

Presidenti i Shteteve të Bashkuara të Amerikës, Donald Trump dhe bashkëshortja e tij Melania Trump kanë një sërë videosh të sikletshme si çift.

Ndonjëherë Trump tregohet i pakujdesshëm me Zonjën e Parë, në raste të tjera Melania duket sikur hakmerret ndaj bashkëshortit të saj. Pra me pak fjalë, janë një çift që në publik nuk shfaqen shumë të dashuruar. Gjithsesi, një tjetër video e Zonjës së Parë është bërë virale në rrjetet sociale, pasi sërish ajo është ndier në siklet në një shkollë me nxënës në Korenë e Jugut.

Melania ka menduar se nxënësit janë entuziasmuar nga prezenca e saj në shkollë, por në fakt e vërteta nuk ka qenë kështu. Fëmijët kanë filluar të ulërasin nga gëzimi pasi kishin parë që pranë Melania-s ishte edhe një yll i muzikës pop, Choi Min-ho.

Melania kur ka kuptuar se fëmijët ishin të lumtur për shkak të këngëtarit, është ndier në siklet por që gjithsesi është përpjekur për ta kaluar me të qeshur këtë situatë.