Paris Hilton pret fëmijën e parë në moshën 40-vjeçare

Në moshën 40-vjeçare, Paris Hilton pret fëmijën e saj të parë. Ylli i “The Simple Life” dhe i fejuari i saj sipërmarrës Carter Reum i cili është gjithashtu 40 vjeç presin fëmijën brenda këtij viti sipas “PageSix”.

Në janar, vetë Hilton kishte thënë publikisht se po i nënshtrohej trajtimeve të fertilitetit dhe se shpresonte që të bëhej nënë së shpejti, duke nënvizuar se ëndërron që të mund të lindte binjakë, një vajzë dhe një djalë.

Në një intervistë të dhënë një vit më parë Paris Hilton tha se nëse do të bëhej nënë me një vajzë ka menduar t’ia vendosë emrin “London”, ndërkohë që ende po mendohet për emrin ideal në rast se fëmija lind djalë.