Pas aludimeve për fëmijën e dytë, Kiara Tito jep përgjigjen që prisnin të gjithë

Një fotografi e publikuar pak ditë më parë nga Kiara Tito, ku Luiz Ejlli shfaqej me dorën mbi barkun e moderatores, mjaftoi që në rrjetet sociale të nisnin menjëherë aludimet për një shtatzëni të mundshme.

Komentet u shtuan me shpejtësi, ndërsa edhe portalet rozë ngritën pyetjen nëse çifti mund të ishte në pritje të fëmijës së dytë.

Por Kiara duket se ka vendosur t’u japë fund këtyre zërave në mënyrën më sportive të mundshme.

Gjatë një improvizimi në skenën e “Verë dhe Portokalle”, një prej aktorëve pyeti Kiara Titon dhe Nevina Shtyllën nëse ndonjëra prej tyre ishte shtatzënë.

Në mes të batutave, Salsano Rrapi iu drejtua Kiarës duke e pyetur nëse ishte ajo, ndërsa moderatorja reagoi me humor:

“Pse, kaq shumë jam shëndoshur unë?”

Kur u pyet drejtpërdrejt nëse ishte shtatzënë, Kiara u përgjigj qartë:

“Unë jo njëherë!”

Edhe Nevina Shtylla mohoi se ishte në pritje të ëmbël, ndërsa situata u mbyll me të qeshura dhe batuta mes tyre.

Kështu, Kiara Tito duket se i ka dhënë fund aludimeve të ditëve të fundit, duke bërë të qartë se, të paktën për momentin, ajo dhe Luizi nuk janë në pritje të fëmijës së dytë.