Pse shkolla duhet t’u mësojë fëmijëve, si ta kultivojnë vetë ushqimin!

Nëse jeni prind, ndoshta duhet të mendoni të bëni një pyetje të mirë: a duhet të mësohen fëmijët të kultivojnë ushqim në shkollë? Epoka moderne shënohet nga përparimet e vazhdueshme në teknologji dhe shpikjet e reja kanë ofruar komoditetin që ne as nuk e imagjinonim të jetonim. Megjithatë, ne humbëm një pjesë të madhe të njohurive dhe aftësive të nevojshme të botës reale për të mbijetuar dhe për t’u kujdesur vetë për familjet tona. Kjo shtron një pyetje: Nëse sistemi aktual bie papritur, a i dimë ne gjërat bazike të jetës për të mbijetuar?

Fatkeqësitë natyrore ndodhin gjatë gjithë kohës, kështu që kjo nuk është aq joreale sa ne besojmë. Prandaj, mësimi i fëmijëve tanë për të kultivuar vetë ushqimin e tyre do të ishte një mësim i paçmuar.

The Journal shkruan:
“Kërkimet na tregojnë se kur fëmijët rritin një pjesë të ushqimit të tyre, ata zhvillojnë atë që ne e quajmë “ndjeshmëri ushqimore”, një lidhje më e thellë me ushqimin, e cila është vërtetuar se çon në një jetë më të shëndetshme. Fëmijët empatikë ndaj ushqimit kanë dieta më të mira, hanë më shumë fruta e perime dhe kanë një kuptim më të mirë të ushqimit dhe të ushqyerit. Në një kohë kur Irlanda ka ende ndër normat më të larta të obezitetit të fëmijëve në BE, krijimi i një lidhjeje më të thellë me ushqimin është më i rëndësishëm se kurrë.”

Për më tepër, Better Health Channel shkruan:
“Njerëzit e të gjitha moshave mund të shijojnë kopshtarinë, por fëmijët, në veçanti, do të argëtohen shumë dhe do të marrin përfitime të veçanta. Kopshtaria është edukative dhe zhvillon aftësi të reja duke përfshirë:
Përgjegjësinë-nga kujdesi për bimët!
Kuptimin– ndërsa mësojnë për shkakun dhe pasojën (për shembull, bimët thahen pa ujë, barërat e këqija prishin bimët e mira.)
Vetëbesimin- nga arritja e qëllimeve të tyre dhe shijimi i ushqimit që ata kanë rritur!
Dashuria për natyrën – një shans për të mësuar rreth mjedisit të jashtëm në një vend të sigurt dhe të këndshëm!

Arsyetimi dhe zbulimi – të mësuarit rreth shkencës së bimëve, kafshëve, motit, mjedisit, të ushqyerit dhe ndërtimit të thjeshtë!
Aktiviteti fizik – të bësh diçka argëtuese dhe produktive!
Bashkëpunimi – duke përfshirë aktivitetin e përbashkët të lojës dhe punën në grup!
Kreativiteti – gjetja e mënyrave të reja dhe emocionuese për të rritur ushqimin!
Ushqyerja – të mësuarit se nga vjen ushqimi i freskët.”
Çfarë mendoni për këtë ide?