Rastet në SHBA të hepatitit akut vazhdojnë të rriten tek fëmijët, zbulon CDC

Numri i fëmijëve amerikanë të prekur nga hepatiti akut me një shkak të panjohur vazhdon të rritet, tha të mërkurën Qendra e SHBA-së për Kontrollin dhe Parandalimin e Sëmundjeve.

Deri më tani, hetimi i agjencisë ka zbuluar 180 raste pediatrike në 36 shtete dhe territore gjatë shtatë muajve të fundit. Kjo është një rritje prej 71 nga hera e fundit që u publikuan numrat më 5 maj, shkruan MedicalxPress përcjell Gazeta Shneta.

Sidoqoftë, CDC theksoi në një deklaratë se shumë nga rastet e reja vendase janë “retrospektive” – ​​që do të thotë se ato ishin raste që tani po numërohen, por që kanë ndodhur që në muajin tetor 2021.

Nuk ka pasur asnjë vdekje të raportuar që nga muaji shkurti, shtoi agjencia, dhe numri i fëmijëve që kërkojnë transplantim të mëlçisë është 9% e rasteve.

Ekzistojnë gjithashtu qindra raste të tjera të hepatitit pediatrikë që janë raportuar në vende të botës, sipas Organizatës Botërore të Shëndetësisë.

“Është e pazakontë sepse kjo ndodh te fëmijët të shëndetshëm, të cilët nuk kanë një sëmundje bazike,” tha Dr. Tina Tan, mjeke e sëmundjeve infektive.

“Askush nuk e di shkakun e vërtetë, dhe ajo që e bën më të frikshme është se këta fëmijë zhvillojnë hepatit shumë të rëndë.”

Rreth gjysma e fëmijëve të përfshirë në rastet në SHBA kanë pasur një formë adenovirusi. Ky vazhdon të jetë një tregues i fortë i asaj që mund të nxisë këto raste, tha CDC.

“Është e rëndësishme të theksohet se hepatiti i rëndë tek fëmijët mbetet i rrallë”, tha agjencia.

“Megjithatë, ne inkurajojmë prindërit dhe kujdestarët që të jenë të vetëdijshëm për simptomat e hepatitit – veçanërisht verdhëzën, e cila është një zverdhje e lëkurës ose e syve – dhe të kontaktojnë ofruesin e kujdesit shëndetësor të fëmijës së tyre për çdo shqetësim.”

 

Share With:
Translate »
31 Views