Shqiptarja i bashkohet ISIS-it, i biri mes lotësh: Dajë eja më shpëto!

Më shumë se 75 femra shqiptare janë arratisur drejt Sirisë për t’iu bashkuar Shtetit Islamik, duke marrë me vete edhe të vegjlit e tyre, të cilët po rriten mes tmerreve të luftës.

E tillë është edhe historia e Ermira Sekiraqas, e cila ka shkuar para katër vitesh në Siri, së bashku me burrin e saj.

Por ky i fundit cili u vra duke luftuar krah organizatës terroristëve dhe që atëherë, ajo ka mbetur e ngujuar në Ain Issa me dy fëmijët.

E gjendur mes tmerreve, tashmë Ermira po kërkon ndihmë për t’u kthyer në Kosovë.

Vëllai i saj, Artoni shprehet se e motra e ka kontaktuar në rrjetet sociale dhe se po i përgjërohet ta shpëtojë.

Ai ka dëgjuar edhe zërin e nipit të tij, Ismailit, i cili kërkon ta marrë që aty.

I vogli dëgjohet duke thënë nga ana tjetër e telefonit:

O dajë eja merre Ismailin, të dua!”
Tashmë Artoni kërkon ndihmën e qeverisë së Kosovës për të shpëtuar të motrën dhe fëmijët e saj nga tmerri ku po jetojnë.