Shtatzënë për herë të dytë, flet Hueyda El Saied

Hueyda El Saied ka zbuluar prej kohësh se pasioni i saj më i madh është piktura dhe pritet që së shpejti të hapë ekspozitën e tetë të saj. Së fundmi ajo ka realizuar një pikturë mjaft të veçantë, të cilën njerëzit e kanë përkthyer si diçka personale të Huyedës. Artistja shqiptare kishte pikturuar një balerinë shtatzënë me ngjyra të ndryshme dhe pasi El Saied e publikoi në ‘Instagram’ të gjithë menduan se ajo është në pritje të ëmbël.

Duke qenë se Hueyda më parë ka qenë balerinë, ndjekësit e saj dyshuan se ajo zgjodhi këtë mënyrë për të treguar se është shtatzënë dhe madje nuk munguan as urimet. Në fakt kjo nuk është e vërtetë dhe këtë gjë Hueyda e ka mohuar vetë përmes një video të publikuar në ‘Instastory’. “Piktura nuk ka lidhje me mua. Ish-balerinë jam, por nuk jam shtatzënë, se më kanë ardhur plot mesazhe urimi. Jo nuk jam shtatzënë, ishte thjesht një frymëzim i momentit”, ka treguar Hueyda. Kujtojmë se artistja shqiptare është nënë e një djali të vetëm të quajtur Gabriel, i cili erdhi në jetë nga martesa e saj me Michael Tamisier.