Vajza e kryeministrit britanik shtang me fotot për revistën e famshme, ka një mesazh për gratë e kolme
Babai i saj është i zënë duke u përpjekur që të kthejë vendin në formë pas shkatërrimit të pandemisë. Është fjala për vajzën e kryeministrit të Britanisë së Madhe, Boris Johnson.
Fëmija i madh i kryeministrit britanik, Lara, ka treguar se gratë me madhësi të mëdha mund të duken në formë me ndihmën e veshjeve të posaçme të brendshme.
28-vjeçarja ka pozuar me disa prej këtyre veshjeve, për të “fuqizuar” gratë që edhe ato të ndihen të “sigurta” në rrobat e tyre. Shkrimtarja pozoi me veshje të shkëlqyera për numrin e radhës të revistës së famshme “Tatler”.
Në një fotografi bardh e zi, Lara shfaqet me flokë të fryra nga era dhe me veshe të errët, ku sipër ka një fustan të bardhë.
“Unë nuk jam një e panjohur për rrobat, por është e qartë se kam shumë për të mësuar”, ka thënë vajza e Johnson. Ajo gjithashtu paralajmëroi gratë se këto rroba “nuk do të rregullojnë atë që mund të mos pëlqeni në trupin tuaj”.
“Kur ato janë të dizajnuara mirë, janë të krijuara për të përmirësuar atë që keni tashmë ose për të imituar format e preferuara të trupit”, ka thënë Lara, e cila ka shtuar se besimin në trupin e saj e ka nga Kim Kardashian.
28-vjeçarja është një nga katër fëmijët e kryeministrit britanik me bashkëshorten e dytë, Marina Wheeler.