Vajza e saj bëri krenarë të gjithë shqiptarët kudo që ndodhen, reagon për herë të parë nëna e Distria Krasniqit (Telefonata e rëndësishme para fitores)

Xhudistja nga Kosova Distria Krasniqi, është fituese e medaljes së artë të Lojërave Olimpike “Tokyo 2020”. Ajo e ka mposhtur me “Wazzari” xhudisten japoneze Funa Tonaki.

Lidhur me emocionet dhe përjetimet që i sollën luftërat e Distrias foli nëna e xhudistes, Remzije Krasniqi. Ajo tha se kanë përjetuar emocion të veçantë duke mbetur edhe pa gjumë.

“Emocion i veçantë. Kemi mbetur pa gjumë por ja ka vlejtur. Shumë ka qenë e stresuar. S’ke pasur mundësi të flasësh me të dhe ta përkrahësh. E kemi përcjell. Ne e kemi ditur se si është ndjerë porsa ka ardhur nga stërvitjet. Ka qenë stres së pari përgatitjet, pastaj me kë do të luftojë me kë do t’i bie shorti”.

Remzije Krasniqi tregoi edhe për momentin kur vajza e saj e kishte thirrur në telefon para se ta merrte medaljen e artë.

“Para se me marrë medaljen na ka thirr më telefon me video. Ka pyetur se si jemi ne, ka pyetur për babi dhe kur e ka parë babin është qetësuar”.

Share With:
Translate »
368 Views