Vaksina COVID-19: Nëse nuk keni pasur efekte anësore, a ka reaguar vaksina juaj?

Miliona njerëz në të gjithë globin kanë marrë një vaksinë kundër COVID-19. Sidoqoftë, ka ende pyetje të shumta që lidhen me efektivitetin e vaksinave.

Një pyetje e zakonshme është nëse ekziston një lidhje midis efekteve anësore të vërejtura pas vaksinimit dhe imunitetit të mëvonshëm, shkruan Medical News Today përcjell Gazeta Shneta.

Aktualisht janë 21 vaksina COVID-19 të autorizuara për përdorim në të gjithë globin.

Në Mbretërinë e Bashkuar, mbi 36.500.000 njerëz janë vaksinuar plotësisht kundër COVID-19 deri më sot. Në Shtetet e Bashkuara, më shumë se 162,100,000 njerëz tani janë vaksinuar plotësisht.

Në të gjithë botën, mbi 13% e popullsisë janë vaksinuar plotësisht kundër COVID-19, sipas të dhënave të përpiluara nga Google.

Monitorimi i sigurisë së vaksinave në botën reale vazhdon për të gjitha vaksinat, siç thotë Qendra për Kontrollin dhe Parandalimin e Sëmundjeve (CDC).

Autoritetet shëndetësore në të gjithë botën vazhdojnë të inkurajojnë ata që marrin një vaksinë COVID-19 që të raportojnë çdo efekt anësor tek një profesionist i kujdesit shëndetësor.

Miliona njerëz të vaksinuar kanë përjetuar efekte anësore, duke përfshirë ënjtje, skuqje dhe dhimbje në vendin e injektimit. Ethet, dhimbja e kokës, lodhja, dhimbja e muskujve, të dridhurat dhe nauzeja gjithashtu raportohen në nivelin e zakonshëm.

Siç ndodh me çdo vaksinë, megjithatë, jo të gjitha do të reagojnë në të njëjtën mënyrë. Shumë njerëz nuk kanë raportuar ose përjetuar efekte anësore pas vaksinimit të tyre. A do të thotë kjo se ata nuk janë të mbrojtur kundër SARS-CoV-2?

Në një intervistë me Medical News Today, Dr. William Schaffner, profesor i sëmundjeve infektive në Qendrën Mjekësore të Universitetit Vanderbilt në Nashville (SHBA), ka folur rreth lidhjes midis efekteve anësore dhe imunitetit ndaj SARS-CoV-2.

Ai deklaroi se as prania dhe as mungesa e efekteve anësore nuk tregojnë imunitet. “Nuk ka asnjë lidhje të drejtpërdrejtë midis efekteve anësore dhe mbrojtjes“, tha Prof. Schaffner.

Të dhënat nga provat e vaksinave me dy doza të teknologjisë ARNm, Pfizer/BioNTech dhe Moderna-tregojnë se këto janë mbi 90% efektive. Nën 10% të atyre të vaksinuar plotësisht mund të kenë mbrojtje të pjesshme ose aspak.

Për shkak të mënyrës në të cilën funksionojnë vaksinat- duke nxitur trupin për të ndërtuar imunitetin kundër patogjenit të synuar-individët me sistem imunitar të komprometuar mund të mos jenë në gjendje të ndërtojnë imunitet të plotë apo edhe të pjesshëm ndaj SARS-CoV-2.

Sipas Prof. Schaffner, disa barna të tilla si imunosupresantët dhe një grup i vogël i barnave të përdorura në trajtimet e kancerit, gjithashtu mund të ndikojnë negativisht në efektivitetin e vaksinave COVID-19.