Video kur rrufeja godet fëmija ndërkohë që nëna po e filmonte

Një nënë e tmerruar po filmonte djalin e saj të vogël duke luajtur me një çadër nën strehën që sillte sasi të konsiderueshme uji nga reshjet e shiut. Papritur, një rrufe e fuqishme goditi oborrin, vetëm 1 metër larg.

Djali 12 vjeçar po qëndronte nën derdhje e çatisë, duke përdorur një çadër për të mbrojtur trupin e tij në kopsht në Posadas, Argjentinë. Carolina Koturm, e cila po xhironte djalin e saj, lëshon menjëherë telefonin me të cilin po filmonte të birin, ndërsa oborri mbushet me flakë.

Ajo i tha medias lokale: “Ishte mëngjes, isha me vajzën time në dhomën e gjumit të saj, pasi ishte e frikësuar nga rrufeja. Më pas zonja që punon në shtëpinë time më tha se djali im po ecte në shi dhe fillova ta xhiroja, dhe menjëherë pas tij goditi rrufeja. Falë Zotit, asgjë nuk i ndodhi atij.”

Stuhia elektrike e ashpër thuhet se kishte efekte të gjera në rajon të shtunën. Në San Pedro del Parana, 68 milje larg nga djali 12 me fat, dy vëllezër nuk ishin kaq fatlumë. Sinforiano Venialgo Vazquez, 43 vjeç dhe Simon Venialgo Vazquez, 41 vjeç, u vranë kur rrufeja goditi shtëpinë e tyre.