Vjen në jetë Hana dhe babi Mozzik sapo e prezantoi me botën
Nuk priti dot 2019-n!
Vogëlushja e Loredanës dhe Mozzik ka ardhur në jetë sot dhe lajmin e bukur e ka dhënë vetë reperi.
Jo më larg se dje, Loredana publikoi një foto ku shkruante se viti 2019 do të jetë viti kur ajo do të bëhet nënë por Hana e vogël nuk ka pritur më.
Ajo ka ardhur në jetë sot dhe babai Mozzik ka bërë një dedikim të veçantë për vogëlushen në Instagram, ku i shpreh gjithë dashurinë.
Reperi nuk gjen dot fjalë për të përshkruar ndjesinë e të qënit baba, e megjithatë i përlotur ka dedikuar këto vargje për partneren dhe vajzën:
“Emri më i bukur në botë BABË !
Faleminderit Zot për këtë dhuratë të shenjtë !
Mirë se erdhe në jetë Hana ime e vogël !
Nuk gjej as fjalë ta përshkruaj këtë ndjenjë, i përlotur duke puthur gruan time të dashur sot po i uroj lindjen e parë, e fëmijën e parë !
Do ju dua sa të kem jetë!”
Pas fotos së ëmbël ku shfaqet duke i kapur dorën e brishtë vogëlushes, Mozzik ka publikuar edhe një foto tjetër me dorën e partneres Loredana, shoqëruar me një emoji zemre. Me sa kuptuam nga fotoja, reperja ka sjellë në jetë vajzën në një spital në Zvicër.
I urojmë Hana-s jetë të gjatë e të lumtur!
