Vrau burrin me sqepar kur po flinte, 65-vjeçarja: Më detyroi të bëja 10 fëmijë

Drane Deda është e moshuara e cila u dënua me 14 vite burg pasi qëlloi me sqepar bashkëshortin e saj teksa flinte gjumë. Ngjarja e rëndë u shënua në nëntor të vitit 2020 në Kurbin, teksa bashkëshorti i saj i ndjerë Llesh Deda ndërroi jetë pak ditë pasi bashkëshortja e tij e qëlloi.

Së fundmi në media janë publikuar edhe fotot e çiftit. Ajo shprehej se me të kishte debate prej vitesh pasi e kishte detyruar të bënte 10 fëmijë.

E moshuara ka rrëfyer se ditën e krimit nuk ka debatuar me të por e kishte goditur në kokë teksa flinte qetësisht.

“Më detyroi të bëja 10 fëmijë, më është nxirë jeta me të edhe pse kam vijuar të qëndroj kaq gjatë. Atë ditë nuk jemi grindur fare. Ai ishte në gjumë, dhe unë shkova në magazinë mora një sqepar dhe ashtu siç flinte e kam qëlluar dy-tre herë, ku kam menduar se e kam vrarë pasi nuk ka lëvizur fare. Më pas kam shkuar në shtëpinë e kunatës dhe i kam treguar se çfarë kishte ndodhur,”- ka rrëfyer para oficerëve, Drane Deda.

Share With:
Translate »
34 Views