“Xhensila Myrtezaj e do një fëmijë, por nuk është shtatzënë”

Duket se historia e shtatëzanisë së yllit të televizionit Kylie Jenner, po përsëritet edhe me VIP-at në Shqipëri.

Bëhet fjalë për këngëtaren Xhensila Myrtezaj, për të cilën prej disa kohësh mediat kanë shkruar se është në pritje të ëmbël.

Por Xhensila me anë të një postimi në rrjetin social Instagram pak kohë më parë i hodhi poshtë këto lajme, duke theksuar se nuk ishte në pritje të një fëmijë, por nëse një gjë e tillë do të ndodhte atëherë ajo dhe Besi do të ishin shumë të lumtur.

Por motra e Bes Kallakut, gazetarja Ana Kallaku, ekskluzivisht për Pop News zbuloi se këngëtarja nuk është në pritje të një fëmijë, dhe se lajmet e publikuara në media janë thjesht thashetheme.

Gjithashtu Ana zbuloi se aktualisht çifti është duke punuar për realizimin e disa projekteve, por që sigurisht ardhjen e një bebi në jetën e tyre e mirëpresin me shumë dëshirë.