Mungesa e babait mund të dëmtojë zhvillimin emotiv të fëmijëve

Kohët e fundit psikologët i janë shtruar zhvillimit të fëmijës dhe problemeve të tyre përsa i përket rolit të prindit i cili luan pjesën kryesore tek zhvillimi. Studimet më të fundit tregojnë se sa e rëndësishme është figura atërore në shtëpi dhe se çfarë mund të humbë fëmija nëse nuk e ka babain pranë.

Në fakt, si dashuria, si refuzimi nga ana e të dy prindërve mund të ndikojnë thellësisht ekuilibrin emotiv, vetëbesimin dhe shëndetin mendor të fëmijëve. Prania e babait thjeshtëson përshtatjen e fëmijës dhe krijon kushte për zhvillimin e shëndetshëm psikologjik të tij.

Pasojat psikologjike të një babai mungues

Zbulojmë se cilat janë pasojat e mungesës së babait në jetën e një fëmijë dhe si t’ia bëni për të shëruar plagët emotive që lidhen me këtë mungesë.

Probleme në sjellje

Një baba që mungon në jetën e fëmijëve të tij mund të gjenerojë tek ata probleme të sjelljes. Fëmija ka nevojë të përballet vazhdimisht me botën e jashtme.

Prania fizike e vetëm njërit prej prindërve nuk mjafton për të formësuar karakterin dhe për ta ndihmuar fëmijën të përballet me botën. Përkundrazi, ndonjëherë mund të jetë më e keqe prania fizike e një prindi të vetëm, nëse ajo nuk shoqërohet me vëmendjet e duhura përkundrejt fëmijës.

Gjeneron pasiguri dhe ankth

Një baba që mungon apo që vë në diskutim çdo aktivitet të fëmijës gjeneron tek ai ankth, pasiguri.

Padyshim është e rëndësishme t’i vini në diskutim sjelljet e fëmijës, por në mënyrë konstruktive, duke i bërë të kuptojë se është nga ana e fëmijës në çdo rrethanë.

Mungesa e babait: roli i nënës

Shpesh nëna, edhe pse ruan “bashkimin e familjes” ka tendencën që të justifikojë mungesën e babait me shprehje të tipit: “ti e di shumë mirë se si është yt atë”; “babai yt nuk e kupton që të lëndon”; “mundohu të kuptosh babanë tënd” apo “babi yt e bën për ty”.

Në thelb nëna ka mësuar të pranojë karakterin e shkëputur të partnerit dhe mundohet që edhe fëmija ta kuptojë, i cili nga ana e tij e përjeton gjithçka si një mungesë vlerësimi për të.

Por nuk është asfare kështu. Pikërisht sepse e do të voglin, figura mëmësore padashje, mundohet të sjellë ashtu si di harmoninë në familje.