A është e dëmshme të bësh botox gjatë shtatzënisë?

Të jesh shtatzënë është e bukur dhe emocionuese, por nga ana tjetër ka shumë pyetje: A mund të pish kafe? Po, por vetëm një filxhan në ditë. A mund të stërvitesh? Po, por me kujdes. A mund të bësh Botox gjatë shtatzënisë? Epo, kjo është e komplikuar…

Pyetja e Botox-it është më e zakonshme sesa mund ta mendoni dhe një pyetje e rëndësishme për t’u bërë nëse e merrni trajtimin rregullisht. Tia Jackson-Bey, një endokrinologe riprodhuese e certifikuar, specialiste e infertilitetit dhe gjinekologe, thotë se Botox – së bashku me lyerjen e flokëve dhe heqjen e qimeve me lazer – është një pyetje që shpesh bëhet nga pacientët e saj.

A mund të bëni Botox gjatë shtatzënisë?

Injeksioni nuk rekomandohet nga asnjë nga ekspertët:

“Sipas FDA, Botox është një ilaç i kategorisë C gjatë shtatzënisë,” thotë dermatologia e certifikuar nga bordi Kim Nichols, MD, FAAD, e cila shpjegon se kjo do të thotë se nuk ka një numër të mjaftueshëm të studimeve për të treguar sigurinë e tij gjatë shtatzënisë.

“Ndërsa nuk ka prova të mjaftueshme që vërtetojnë se Botox është i dëmshëm për fetusin, nuk ka gjithashtu prova të mjaftueshme për të sugjeruar se është i sigurt për t’u përdorur gjatë shtatzënisë.” Dr. Jackson-Bey sugjeron gjithashtu të prisni derisa të mbaroni gjidhënien, duke pasur parasysh se Botox-i funksionon përmes një sasie të vogël neurotoksine.

A mund të bëni filler buzësh gjatë shtatzënisë?

Ndryshe nga sa mund të keni dëgjuar në televizion, filler-at e çdo lloji nuk rekomandohen gjatë shtatzënisë. Rekomandohet ndalimi të paktën katër javë para shtatzënisë dhe derisa gjidhënia të jetë e përfunduar pas lindjes.

Share With:
Translate »
152 Views