“Aborti është shkaku kryesor i vrasjes së grave në botë” posterat që po shkaktojnë polemika të mëdha në Itali

Posterat më të fundit kundër abortit kanë shkaktuar mjaft polemika në Romë, ku prej kohësh ka nisur një fushatë kundër tij.

“Aborti është shkaku kryesor i vrasjes së grave në botë”, shkruhet në posterat e vendosur kudo në kryeqytetin italian, duke zemëruar mjaft njerëz, ndërsa janë shtuar apelet ndaj kryebashkiakes Virginia Raggi që t’i heqë.

Një grup feminist i kritikoi posterat si të turpshëm, ndërsa të tjerë kundërshtuan ashpër përdorimin e termit “femminicidio” për abortin, që zakonisht përdoret kur një mashkull vret një femër.

Posterat janë vendosur nga grupi me bazë në Madrid, “CitizenGo”, dhe kanë të bëjnë me 40-vjetorin e miratimit të ligjit për abortin në Itali.

Fushata antiabort arrin kulmin në datën 22, përvjetori i “ligjit 194”, që do të shënohet edhe me një marshim në Romë.

Reagimi i romanëve ishte mjaft i ashpër ndaj posterave, të cilët sulmojnë të drejtën e femrave për të vendosur dhe një ligj që funksionon prej 40 vitesh. Sidoqoftë, ligji tjetër për lirinë e shprehjes thotë se posterat do të qëndrojnë në vend, për aq kohë sa janë paguar.

Share With:
Translate »
547 Views