Cilat nga gratë e Evropës bëhen nëna në moshë më të re?

Martesa e një çifti bashkëshortor është vetëm fillimi i një procesi për krijimin e familjes, ndërsa ardhja në botë e një fëmije e begaton edhe më shumë.

Mirëpo, cila është mosha më e mirë për shtatzaninë e një gruaje? Kjo pyetje nuk ka një përgjigje të vetme, për më tepër, secila grua është individuale, dhe, në përputhje me rrethanat, mosha që është optimale për të lindur një fëmijë gjithashtu ndryshon.

Nga të dhënat të cilat i ka siguruar TRT Balkan prej Eurostat, mosha mesatare e grave në Bashkimin Evropian që kanë lindur fëmijën e tyre të parë është rritur gradualisht vitet e fundit. Nëse në vitin 2013 mosha e grave që lindnin fëmijën e parë ishte 28,8 vjet, ajo arriti në 29,7 vjet në vitin 2021.

Bullgaria ka nënat më të reja në Evropë

Mosha mesatare e lindjes së fëmijëve ndryshon gjithashtu deri në pesë vjet midis shteteve të ndryshme anëtare.

Në vitin 2021, gratë evropiane që u bënë nëna për herë të parë në moshë më të re ishin ato nga Bullgaria, mesatarisht 26,5 vjeç.

Spanjollet dhe italianet më së voni

Ndër gratë më të moshuara të cilat e përjetojnë ndjenjën e prindërisë për të parën herë në Evropë vijnë nga Spanja dhe Italia.

Në këto vende gratë spanjolle dhe italiane lindin pesë vjet më të moshuara se ato nga Bullgaria, gjegjësisht në një moshë mesatare prej 31,6 vjet e lindin fëmijën e parë.

Më pas, sipas radhitjes për nga mosha më e vjetër e prindërisë për herë të parë vijnë gratë nga Irlanda 31,2, Holanda 30,3, Gjermania 30,1, Francë 29,1, Hungaria 28,6, Polonia 28,1 dhe Letonia 27,7 vjeç

Share With:
Translate »
57 Views