Detaje shokuese / Babai i vajzës i afrohet policit vrasës pas tragjedisë, më pas bie në…
Pamje më tepër se trishtuese nga momenti i aksidentìt të rëndë të ndodhur sot në plazhin e Potamit në Himarë. Babai i vajzës së vogël që humbi jetën pasi u përplas në breg të detit nga gomonia, u përball me policin Arjan Tase.
Në këtë foto duket momenti kur babai i vajzës së ndjerë ra në tokë nga trondìtja e madhe. Ndërsa dëshmitarët janë shprehur se drejtuesi i gomones qëndroi indiferent përgjatë gjithë kohës, dhe në pritje të policisë.
Ngjarja që trondìti mbarë opinionin publik ndodhi sot në mesditë, teksa ish-shefi i komisariatit të Himarës, Tase, po kryente manovra në breg të detit.
Familja e 7-vjeçares është me origjinë nga Tropoja dhe ishin kthyer nga Anglia për të kaluar pushimet në atdhe.
Rrëfehet se ish-shefi i komisariatit të Himarës, Arjan Tase, i cili drejtonte gomonen, u shfaq mbi mjetin lundrues në bregun e detit së bashku me një grua, ndërsa pushuesit u panë se si kanë shpërthyer ndaj tij.
Në pamjet e publikuara sot në rrjet, Tase shfaqet teksa thërret një të njohurin e tij duke i thënë se nuk deshte. “O tani jam unë, jam unë. Nuk doja”, dëgjohet të thotë Tase.
__________________
Më poshtë shkrimi nga Elona Caslli:
I vrave fëmijën. Ulu në gjunj para tij dhe lërja në dorë jetën tënde.
Ky gjësendi me brekë rozë është polici që shkaktoi vdekjen e vajzës 5 vjeç sot në Himarë. Si gjësend pa ndjesi dhe pa asgjë prej njeriu, ka guximin dhe të mbrohet teksa i ati i vajzës me zemrën e shkulur nga dhimbja afrohet.
Ky gjësendi me brekë rozë, po të ishte burrë dhe jo gjësend, duhet të ulej në gjunj para prindërve të vajzës dhe ta linte jetën e tij në duart e tyre duke thënë; – E bëra. Keni të drejtën me ma marrë jetën se ju shkula zemrën.
Këtë gjë duhet të kishte bërë ky gjësend, ky polic i akuzuar më parë për kultivim dhe trafikim hashashi.
Gjësendi jo vetëm që nuk e ka bërë këtë, por ka qendruar krejt i patrazuar në pritje të policisë teksa i ati ka zënë duart me kokë nga tragjedia e ndodhur për pushimet e verës.
Post Scriptum- Në timon të skafit nuk ishte një adoleshent. Në timon të skafit ishte një polic që supozohet të jetë rojtar i jetës dhe jo shkaktar i vdekjes.
