E ka vajzën pesë vjeçe, por ende i jep gji. Nëna angleze tregon arsyet

Kjo nënë ushqen me gji vajzën e saj 5-vjeçare dhe thotë se fëmija është bërë imune ndaj viruse të zakonshme të kësaj moshe. Emma Shardlow Hudson 29 vjeç nga Grimsby e Britanisë së Madhe, thotë se ushqen njëkohësisht me qumësht gjiri vajzën Alex dhe djalin Ollie 2 vjeç.

Ajo është e bindur se vajza nuk është prekur nga viruset dhe mikrobet që janë të përhapura në kopshte pikërisht nga fakti që ajo e ushqen me gji deri në këtë moshë. Emma i jep vajzës qumësht gjiri zakonisht dy herë në ditë, një herë në mëngjes dhe një herë në mbrëmje. Këtë gjë e bën edhe në publik, dhe thotë se i bëjnë komente pozitive për këtë fakt.

Mjekët rekomandojnë që fëmijët duhet të ushqehen me qumësht gjiri të paktën deri në 6 muajt e parë, por kjo kohë shkon mesatarisht edhe 18 muaj. Qumështi i gjirit thuhet se zvogëlon rrezikun që fëmija të preket nga infeksione, diabeti i tipit 2 dhe obeziteti. Ndërsa nënat e reja që ushqejnë fëmijët me gji, u zvogëlohet rreziku i prekjes nga kanceri i gjirit, sëmundjet kardiovaskulare dhe obeziteti.

Share With:
Translate »
1093 Views