“Edhe akullore, edhe çokollatë”, Rudina dhe shahisti takohen pas 35 vitesh

Janë ritakuar në Sarandë, aty ku u luajt dhe filmi i njohur shqiptar “Dy herë mat”. Rudina (Manjola Begolli) dhe shahisti (Bujar Kapexhiu) kanë qenë pjesë e një eventi të shahut, në këtë qytet.

Fotot aktuale i ka ndarë në rrjete sociale Manjola, me shumë nostalgji.

Në filmin “Dy herë mat” ajo luan rolin e një vajze të vogël, shumë të talentuar në shah që arrin të mundë edhe mbretin e shahut, gjatë një simultaneje.

Filmi mbahet mend për shumë batuta, një prej tyre është: Edhe akullore, edhe çokollatë. Batutë kjo thënë nga Rudina, kur e pyesin se ç`shpërblim do pas fitores.