“Është nëna e fëmijës tim!” Mozzik flet për Loredanën pas ndarjes

Mozzik ka vendosur të rikthehet sërish në ekran, por këtë herë si i ftuar në një program të njohur televiziv.

Ai do të jetë i ftuar në emisionin ‘Shiko Kush Luan’, ku do të flasë për jetën e tij private, dhe ndarjen e shumëpërfolur me Loredanën, nënën e vajzës së tij Hana.

I pyetur nga Luana reperi ka ndarë disa detaje nga marrëdhënia e tij me reperen dhe kjo dëgjohet në përgjigjen e tij.

Ai shprehet se Loredana është “nëna e fëmijës tim”, ndërsa vazhdimin do të na duhet ta ndjekim sot në mbrëmje në orën 21:00.

Mozzik është shprehur më herët se nuk i pëlqen të jetë prezent në emisione televizive, dhe se do t’i përgjigjet fansave të tij për çdo pyetje që mund të kenë në llogaritë në rrjetet sociale.

Por me sa duket së fundmi ai ka ndërruar mendje dhe shumë shpejt do të kemi mundësinë të dëgjojmë ndoshta versionin e tij për ndarjen nga Loredana.