Jeta do të të trajtojë ty, siç ti trajton nënën tënde!

Thënia popullore se jeta na trajton ashtu siç trajtojmë nënën tonë konfirmohet nga disa studime terapistësh. Nga këto analiza doli se marrëdhënia me nënën kushtëzon marrëdhëniet e ardhshme, duke theksuar se nëse krijon një marrëdhënie të ndërlikuar me gruan më të rëndësishme në jetën tënde, atëherë rrezikon të shkosh drejt një shoqërie të komplikuar.

Sipas ekspertëve që kanë analizuar ndikimin e figurës prindërore në jetën e fëmijëve, është konstatuar se nëse njeriu e vlerëson burimin e dashurisë që në moshë të vogël, atëherë efektin do ta pësojë e gjithë ekzistenca e tij. Sipas studimeve ata që e respektonin dhe e donin nënën më shumë, kishin një jetë më të mirë. Një mision dhe një përkushtim që hap dyert për të njëjtin përmbushje personale.

Jeta do t’ju trajtojë ashtu siç trajtoni nënën tuaj

Duke përqafuar dashurinë dhe forcën e nënës, njeriu ndihet më i predispozuar për dashuri dhe më i sigurt në vetvete. Nëse ndaloni së kritikuari dhe vlerësoni atë që ajo ishte në gjendje t’u ofronte fëmijëve të saj, atëherë është e mundur që ta admironi plotësisht figurën e nënës. Nëse e pranoni prindin tuaj si qenie njerëzore me pikat e forta dhe të dobëta të tij, do të keni gjithashtu aftësinë për të pranuar veten dhe të tjerët. Ditën që do të pushoni së fajësuari prindërit tuaj për gjithçka dhe do të kuptoni se ata nuk janë të pafajshëm dhe se bënë atë që mundën, me mjetet dhe njohuritë që kishin në atë kohë, atëherë bëheni më empatikë dhe më të kuptueshëm.

Në rast të një marrëdhënieje të trazuar, traumat e përjetuara në fëmijëri mund të ndikojnë në marrëdhëniet me të tjerët, por sipas psikoterapistëve do të ishte e këshillueshme që të hiqni qafe negativitetin dhe vuajtjet për të përjetuar pozitivitet.