Jo falë prindërve të tyre! Njihuni me fëmijët më të pasur në botë!

Ka disa fëmijë në botë që u bënë milionerë para se të merrnin akoma patentën e shoferit ose të mbaronin shkollën e mesme. Këta fëmijë u pasuruan duke zgjedhur të mos dorëzoheshin kurrë. Me një dëshire, pasion dhe fat të mirë, natyrisht edhe pak ndihmë nga prindërit e tyre ata ishin në gjendje të kalonin çdo sfidë të mundshme.

Këta fëmijë të suksesshëm do t’ju frymëzojnë aq shumë sa do të filloni t’u kërkoni fëmijëve tuaj ide biznesi.

Nastya

Anastasia Radzinskaya, e cila njihet gjithashtu si Nastya në internet, është një fëmijë “YouTuber”. Ajo ka lindur në Rusi dhe është diagnostikuar me paralizë cerebrale. Mjekët, në atë kohë, ishin të shqetësuar se ajo mund të mos ishte në gjendje të fliste kurrë.

Në vitin 2015, prindërit e saj vendosën të provonin fatin duke shitur kompanitë e tyre vetëm për të krijuar dhe investuar në kanalin “Like Nastya”. Duke filluar me filmimin e lodrave të saj, Nastya ka mbi 190.6 milion abonentë në “YouTube”. Ajo fitoi 18.5 milion dollarë vetëm në vitin 2020.

Moziah Bridges

Kur Moziah Bridges ishte vetëm një djalë i vogël, atij i pëlqente të vishej dhe për të zgjidhur këtë problem ai në moshën 9-vjeçare krijoi një kompani veshjesh. Ai mori ndihmë nga gjyshja e tij që është një ish-rrobaqepëse dhe ajo e mësoi se si të qepte. Me disa ndihma shtesë nga nëna e tij, ai arriti qëllimin e tij.

Tani ai prodhon kravata apo veshje të tjera me çmime që variojnë nga 15 deri në 50 dollarë. Në rreth 6-vjet, kompania ka shitur produkte me vlerë më shumë se 600,000 dollarë në total.

Nick D’Aloisio

Nick D’Aloisio në moshën 15-vjeç, ndërtoi një aplikacion falas për iPhone të quajtur Summly. Ky aplikacion përmbledh automatikisht historitë e lajmeve, gjë që është e shkëlqyeshme për ekranet e vogla.

Më vonë, kur ishte 17-vjeç, ai e shiti aplikacionin e tij te Yahoo! Inc. për gati 20 milion dollarë. Pasi u bë marrëveshja, aplikacioni u rrëzua përfundimisht, por ai ishte shkarkuar pothuajse 1 milion herë.

Alina Morse

Alina krijoi kompaninë e saj të ëmbëlsirave pa sheqer kur ishte vetëm 9-vjeçe, thjesht sepse babai i saj i tha që ajo nuk duhej të hante karamele sepse do t’i prishte dhëmbët. Kështu që ajo filloi të mësonte dhe eksperimentonte me recetat e ëmbëlsirave pa sheqer duke parë video në “YouTube”.

Kur ajo ishte vetëm 13-vjeçe, startoi me kompaninë e saj “Zolli Candy” menjëherë nga kuzhina e shtëpisë së saj, dhe në 2018, ajo fitoi 6 milion dollarë! Alina ishte në gjendje të përgatitej për takime me shitës me pakicë në të gjithë botën dhe të menaxhonte 6 punonjës. Kompania e saj u bë “numri një” në shitjen e karameleve pa sheqer.

Ryan Kaji

Disa vjet më parë, Ryan pëlqente të shikonte video në “YouTube” në lidhje me lodrat, kështu që ai u kërkoi prindërve të tij t’i krijonin atij një kanal. Ata ranë dakord, por askush nuk po i shikonte videot në fillim. Sidoqoftë, nëna e tij pati një ide që i solli djalit të saj sukses.

Ajo e filmoi atë në një video duke luajtur me më shumë se 100 lodra nga seria Pixar, Cars, dhe u bë virale. Sot, ai është 9-vjeç dhe është një nga YouTubers më të paguar, duke bërë gati 30 milion dollarë.