Libri zbulon të fshehtat e familjes mbretërore/ Vendimi për t’u larguar s’paska qenë i Meghan-it

Një libër biografik për jetën e Harry-t dhe Meghan-it në mbretëri, pritet të publikohet së shpejti. Ndërkohë The Times ka publikuar disa pasazhe të librit që pritet të trondisë familjen mbretërore.

Sipas këtij libri, gjatë një bisede të bërë në mars, disa kohë pasi Meghan dhe Harry njoftuan se do të hiqnin dorë nga detyrat mbretërore, dukesha i tha me lot në sy një shoqeje:

“Unë hoqa dorë nga gjithë jeta ime për këtë familje. Isha e gatshme të bëja gjithçka që duhej. Por ja ku jemi! Është shumë e trishtueshme”, -i tha ajo mikeshës.

Pasazhi, botuar nga Times, thotë se pas vendimit të çiftit për t’u larguar nga familja mbretërore dhe për t’u transferuar në Los Angeles qëndron Princi Harry dhe jo Meghan, siç kemi menduar të gjithë.

“Ishte Harry ai që donte të largohej. Thellë-thellë, ai gjithnjë po luftonte brenda asaj bote. Ndërsa ajo [Meghan] e hapi derën për të.”

“Finding Freedom: Harry, Meghan and the Making of a Modern Royal Family” u shkrua nga vëzhguesit mbretëror, Omid Scobie dhe Carolyn Durand. Biografia, që do të botohet muajin tjetër dhe e shkruar me pjesëmarrjen e disa prej njerëzve që janë më afër çiftit, tregon të vërtetën e largimit të çiftit Sussex nga Mbretëria e Bashkuar.

Pas dasmës së tyre në maj të 2018-ës, Harry dhe Meghan u panë si mbretërorët e ardhshëm dhe popullariteti i tyre u rrit ndjeshëm, gjë e pasqyruar edhe në mediat sociale më pas. Por sipas biografisë ata janë ndjerë të pambështetur në atë që donin të bënin më pas.

Ekstrakte nga libri i bujshëm pretendojnë se Harry dhe Meghan ndiheshin të lënë në mëshirë të fatit dhe të irrituar që William dhe Kate morën të gjitha rolet më të mira zyrtare, para se ata të vendosnin të largoheshin për në SHBA.

“Finding Freedom” gjithashtu përshkruan se si marrëdhëniet midis çiftit Harry-Meghan dhe William-Kate u tensionuan aq shumë saqë në mars ata mezi flisnin. Biografia pretendon se dy çiftet vështirë se folën në shërbimin e Commonwealth në Westminster Abbey, pavarësisht se nuk e kishin parë njëri-tjetrin që nga janari. Autorët e librit, Scobie dhe Durand, thanë:

“Megjithëse Meghan u përpoq të krijonte kontakt me sy me Kate, dukesha mezi e pranoi.”

Autorët përshkruajnë një tension në rritje midis çiftit Sussex dhe anëtarëve të tjerë të familjes mbretërore. Ata thonë se Harry dhe Meghan mendonin se ankesat e tyre nuk merreshin seriozisht dhe besonin se familjet e tjera mbretërore po sajonin histori rreth tyre për shtypin.

“Vetëm një pjese të vogël të njerëzve që punonin në pallat mund t’u besonin. Madje roja i vjetër iu referohej si ‘vipat’,” -shkruajnë autorët.

Një zëdhënës i Harry-t dhe Meghan-it tha se çifti nuk kontribuoi në libër, por ai nuk mohoi në asnjë moment përmbajtjen e ekstrakteve të The Times.

Në deklaratë thuhej: ‘Duka dhe Dukesha e Sussex nuk u intervistuan dhe nuk kontribuan në ‘Finding Freedom’. Ky libër është i bazuar në përvojat e vetë të autorëve si anëtarë të korpusit të shtypit mbretëror dhe raportimit të tyre të pavarur.”

“Sekretet” e tjera mbeten për t’u zbuluar pas publikimit të librit.

Share With:
Translate »



302 Views