Melania Trump me pallto 3 mijë dollarë në qendrën shëndetësore për fëmijë

Zonja e parë e Shteteve të Bashkuara të Amerikës, Melania Trump, ka vizituar një organizatë jo fitimprurëse që kujdeset për shëndetin e fëmijëve “Children’s Inn”, ku ka shpërndarë letra për Shën Valentinin.

Por ajo çfarë bie në sy është palltoja e saj shumë elegante, e cila ka një çmim shumë të kripur. E përditshmja britanike “Daily Mail” shkruan se palltoja e kuqe “Calvin Klein” e Melania Trump kushton 3 mijë dollarë. Ajo ka zgjedhur pikërisht këtë veshje luksoze për të vizituar fëmijët e sëmurë, të cilët i ka ndihmuar të dekorojnë biskota në formë zemre.

Pallton e kuqe e kishte kombinuar me një palë taka elegante, të cilat i shkonin më së miri.

Përmes një statusi në rrjetin social “Twitter”, tek “Children’s Inn” në Meryland, 47 vjeçarja u shpreh e emocionuar për vizitën që do të bënte tek ta. Sakaq, as Melania dhe as Donald Trump nuk kanë publikuar mesazhe teksa i urojnë Shën Valentinin njëri-tjetrit.