Guida masazhimit të bebeve dhe përfitimet që sjell ky proces në shëndetin e tyre

Një nga mënyrat më të bukura për t’ia shprehur dashurinë fëmijëve tuaj të vegjël, është nëpërmjet një masazhi. Kjo do ta ndihmonte shumë fëmijën e vogël të relaksohej dhe të qetësohej. Efektet positive që ka ky lloji masazhi janë të shumta, ku mund të përmendim efektet positive në përmirësimin e tretjes, pakësimin e dhimbjes së dhëmbëve dhe gjithashtu krijon një lidhje më të ngushtë midis fëmijës dhe prindit. Duhet të keni shumë durim dhe të jeni tip i dhembshur nëqoftëse doni të mësoni disa mënyra të thjeshta masazhi për bebet. Nuk është e nevojshme të filloni një kurs për këtë, mëposhtë do t’ju tregojmë disa teknika të thjeshta masazhi për foshnjet.

  1. Masazhimi i ballit të bebes

Poziciononi dy gishtërinjtë e mëdhenj të duarve në qendër të ballit të bebes. Kryeni një lëvizje të rrumbullakët duke e shtypur lehtë ballin e bebes. Të njëjtën lëvizje mund ta kryeni duke i mbajur duart rreth kokës së bebit në një formë lutjeje.

  1. Masazhimi i faqeve të bebes

Ashtu siç dhe tek masazhimi i ballit, edhe masazhimi i faqeve kërkon një lëvizje të rrumbullakët rreth faqeve, gojës dhe gushës, duke formuar një fytyrë të qeshur. Veproni njësoj dhe me buzën e sipërme më pas me atë të poshtme.

  1. Masazhimi i gjoksit të bebes

Për këtë hap ju nevojiten të gjithë gishtat e duarve. Lëmoni me kujdes sipërfaqen e gjoksit të bebes, pa ushtruar presion mbi të.

  1. Masazhimi i barkut të bebes

Ndiqni lëvizjen e akrepave të orës duke masazhuar lehtë të gjithë sipërfaqen e barkut të bebes, pa harruar dhe sipërfaqen rreth kërthizës.

  1. Masazhimi i krahëve dhe këmbëve të bebes

Kthejeni foshnjen me shpinë.

Duke mbajtur thembrën e fëmijës suaj, përdorni dorën tjetër për të goditur lehtë poshtë gjithë rrugës nga kofsha në kyçin e këmbës.

Mendoni sikur po mjelni një lopë. Ashtu duhet të veproni dhe me këmbën e fëmijës, duke e tërhequr butë nga lart poshtë.

Pas kësaj fërkojeni me të gjithë gishtat e duarve, duke kaluar nga njëra këmbë në tjetrën.

Përsëriteni të njëjtin proçes dhe me krahët.

Tërhiqjani lehtë gishtat e duarve dhe masazhojini kyçet e duarve.

Përshtati: B.Lica/ Kids’ Time

Share With:
Translate »
943 Views