“Nuk doja një fëmijë”, këngëtarja e njohur flet për mëmësinë pasi u bë nënë për herë të parë

Këngëtarja me famë botërore, Ellie Goulding ka folur në një intervistë pasi është bërë nënë për herë të parë. Ajo vetëm pak muaj më parë solli në jetë djalin e saj, Arthur.

Në një intervistë ajo ka treguar se fëmija nuk ishte aspak në planet e saj dhe se donte të vazhdonte karrierën. Por pasi zbuloi se ishte shtatzënë ajo është shprehur se jeta e saj dhe e partnerit të saj ndryshoi krejtësisht papritu.

“Pasi u martuam, njerëzit më pyesnin kur do të keni fëmijë. Nuk e di nëse do të bëj. Unë me të vërtetë e dua punën time. Unë e dua lirinë time” tha Ellie.

Ndër të tjera këngëtarja është shprehur se tani po e shijon mëmësinë, teksa ka thënë se edhe në punë ajo vazhdimisht e ka mendjen te djali i saj.