Pas bullizimit që ka përjetuar vetë, Khloe nuk i lejon njerëzit t’ia thonë këtë gjë së bijës

Pas shumë vitesh e kritikuar për trupin e saj, Khloe Kardashian i ka idetë e qarta se si do ta rrisë vajzën e saj 3-vjeçare, True.

Në një intervistë për Health, ajo u shpreh se tregohet shumë protektive ndaj së bijës True, duke u kujdesur për shëndetin e saj emocional dhe fizik. Khloe përballet shpesh me një shprehje që nuk e pëlqen aspak dhe nuk i lejon njerëzit t’ia thonë më së bijës.

“Ajo është shumë e gjatë. Njerëzit gjithmonë thonë, ‘Ajo është aq e madhe’. Dhe unë do të them, ‘Oh, ajo është kaq e gjatë.’ Unë përpiqem t’i bëj ata më përshkrues. Unë e di se çfarë do të thotë një i rritur kur e thotë këtë, por nuk dua që ajo ta keqinterpretojë.”

Kardashian tha se ky reagim buron nga përvojat e saj të bullizimit të trupit. Në prill, ajo zbuloi se ka pasur shumë probleme me imazhin e trupit të saj, pasi i ishte analizuar “çdo e metë dhe papërsosmëri” nga publiku.

“Kur bëhet fjalë për ushqimin – kisha kaq shumë probleme. Nuk ishte vetëm nga një person, mendoj se erdhi nga shoqëria ose si njerëzit kritikonin trupin tim. Kështu që, unë nuk luaj kur është fjala për True,” -tha Khloe, duke shtuar: “Unë përpiqem t’i them gjithmonë se është OK nëse ajo qan ose nëse diçka nuk është në rregull.”

Kardashian gjithashtu reflektoi mbi udhëtimin e saj shëndetësor në intervistë, duke vënë në dukje se regjimi i saj i fitnesit fillimisht filloi si një mekanizëm përballues.

“Kur isha më e re dhe isha e trishtuar, vetëm haja. Dhe pastaj e urreja mënyrën se si ndihesha pas kësaj. Unë ndëshkoja veten për ngrënien e një qese patatine. Kisha provuar çdo dietë të mundshme.”

Khloe përfundoi duke thënë se ndjekja e palestrës, pas divorcit të saj të parë, i lejoi asaj të kujdeset vërtet për shëndetin e saj emocional.

Share With:
Translate »
155 Views