Për fëmijët e të rënëve në krye të detyrës, Rama bën të ditur vendimin e parë të qeverisë së re

Kryeministri Edi Rama ka mbajtur një fjalim para infermierëve nga e gjithë Shqipëria, sot në Ditën Botërore të Infermierëve.

Ai ka deklaruar se vendimi i parë i qeverisë së re do të jetë përkujdesi për fëmijët e të rënëve në krye të detyrës, përfshirë këtu dhe mjekët.

Rama ka theksuar se këta fëmijë do të kenë kujdes të posaçëm nga shteti deri kur të mbushin moshën 18-vjeç.

”I jam shumë mirënjohës urdhrit të Infermierëve për këtë mundësi që na jep që të nderojmë me përulësi dhe mirënjohje ato që nuk janë më mes jush dhe njëkohësisht ta shfrytëzojmë këtë mundësi për t’ju përcjell juve shprehjen më të sinqertë të respektit dhe mirënjohjes, sepse ju e dini që cilido prej jush. Një falënderim shumë të madh për të gjithë ju dhe kolegët që nuk janë këtu sot me ne për shkak të detyrës. Nga ana tjetër, duke parë fotografitë e kolegëve dhe kolegeve që humbën jetën në këtë përpjekje më duket vendi i duhur për ta përsëritur një angazhim që e kam marrë që përpara ditës së zgjedhjeve që vendimin e parë të qeverisë së re ne do ia kujtojmë atyre që quajmë me plot gojës fëmijë të Republikës, vajzat dhe djemtë e të gjithë njerëzve që i kanë shërbyer qytetarëve dhe shtetit dhe kanë rënë në krye të detyrës dhe fëmijët e të rënëve në krye të detyrës mes bluzave të bardha nuk do jenë vetëm pasi me këtë ligj të ri, për ta deri në ditën e daljes së tyre të pavarur në jetë do të kujdeset shteti në mënyrë të posaçme”, ka deklaruar kryeministri.

Share With:
Translate »
93 Views