Policët italianë në Kosovë shpëtojnë vajzën shqiptare, 4-vjeçarja operohet në Romë me paratë e tyre

Një polic italian me shërbim në Kosovë është heroi I heshtuar I ditëve të fundit.

Mediat italiane I kanë kushtuar një shkrim të gjatë Fabio Cervellierit, I cli I shpëtoi jeten një vajze të vogël nga Kosova.

Gjatë një shërbimi patrullues nga misioni i EULEX, ai hasi një vajzë 4-vjeçare me diabet mellitus tip 1 .

Fabio nuk u mendua dy herë: bleu menjëherë insulinë dhe një pajisje të aftë për të matur nivelin e sheqerit në gjak.

Më pas, në kthimin e tij në Itali,  ai kontaktoi mjekët e spitalit Umberto I në Romë për të kryer hetime të thelluara dhe për të identifikuar një terapi të përshtatshme: tashmë fëmija, pas një operacioni të vogël, është mirë

Kjo është historia e një polici të ri, i cili, i mbështetur nga i gjithë Regjimenti i Karabinierëve italian ne misionin e Eulex, qe  shpëtoi një jetë fëmije.

Fëmija u shoqërua në Itali nga nëna e saj: gjithçka ishte e paguar, që nga nga blerja e ilaceve e deri te udhëtimi, falë një  aksioni për dhurim parash nga Fabio dhe kolegët e tij .

Policet e treguan vetë historinë në faqen e tyre në Facebook.

 “I gjithë regjimenti i MSU-së e ka marrë në zemër këtë çështje, duke mbledhur, në mesin e të gjithë stafit, paratë e nevojshme për udhëtimin vajtje-ardhje Prishtinë – Romë. Fëmija i shoqëruar nga nëna zbriti në Romë Fiumicino më 13 nëntor”.

Karabinierët kanë premtuar se do të vazhdojnë t’i qëndrojnë pranë vajzës së vogël , duke u siguruar që ajo të jetë mirë me shëndet.

Share With:
Translate »
174 Views