Princeshë Diana mendonte se ndenjat e Charles ishin mbytur që në lindje nga prindërit e tij

Fansat mbretërorë tashmë e dinë që Princi Charles dhe Princesha Diana kishin një martesë të palumtur dhe sipas biografes mbretërore Ingrid Seward, marrëdhënia e tyre ishte e mbushur me probleme që kryesisht vinin si pasojë e mënyrës si Charles ishte rritur.

Në biografinë e shkruar nga ajo, që do të dalë së shpejti për Princin Philip, Ingrid nuk u përmbajt kur erdhi puna për të raportuar disa deklarata të pretenduara nga Princesha e Popullit. Sipas Ingrid, Diana mendonte se e vetmja gjë që Charles mësoi për dashurinë ishte shtrëngimi i duarve. Ingrid pohoi drejtpërdrejt se Charles vuan nga mosshprehja e emocioneve.

Duke folur për fëmijërinë e Charles, Ingrid pretendoi se Diana i tha njëherë asaj se Princi Philip dhe Mbretëresha Elizabeth II kurrë nuk i dhanë Charles-it asnjë lloj dashurie. Philip dyshohet se ka marrë pjesë vetëm në dy nga tetë festat e para të ditëlindjes së Charles dhe shpesh ishte larg në det si një oficer detar, sipas Ingrid. Ajo gjithashtu tha në një moment se kur Charles ishte ende bebe, Elizabeth dhe Philip e lanë atë dhe motrën e tij më të vogël, Princeshën Anne, në Angli ndërsa kaluan Krishtlindjet në Maltë.

“Diana tha se nëse Charles do të ishte rritur në mënyrë normale, ai do të ishte në gjendje të përballonte më mirë emocionet e tij dhe të saj. Ajo pranoi se ndjenjat e tij dukej se ishin mbytur që në lindje. Vetëm dadot e tij i treguan afeksion, por kjo, siç shpjegoi Diana, nuk ishte njësoj si puthja dhe përqafimi nga prindërit, gjë që Charles nuk ishte kurrë. Kur ai takonte prindërit, ata nuk përqafonin, por i shtrëngonin duart”, -thotë Ingrid.

Sipas këtyre rrëfimeve, kjo gjë bëri që Charles të mos ishte në gjendje të ishte i lidhur me gruan e tij, një tjetër problem në marrëdhënien e tyre komplekse.

Burimi: Cosmopolitan

Share With:
Translate »
355 Views