Prindërit e kërkonin prej tre ditësh, gjendet në Tiranë e mitura nga Patosi!

Prej 3 ditësh familjarët e një vajze të mitur në Patos kanë dhënë alarmin në polici për zhdukjen e saj. E mitura, me iniciale J.M., nxënëse e klasës së tetë në shkollën 9-vjeçare “Koli Dimo” në Frashër është larguar me një valixhe nga shtëpia. Sipas prindërve, vajza është parë në terminalin e Fierit ku është larguar drejt Tiranës.

 

E mitura është gjetur mbrëmjen e sotme në kryeqytet, ndërsa policia sqaron se vajza është lokalizuar në një nga hotelet e Tiranës dhe se është në gjendje të mirë shëndetësore.

“Më datë 24.06.2023, në një hotel në rrugën “Shemsi Haka”, është gjetur shtetasja e mitur 14-vjeçare, e cila ishte shpallur në kërkim nga DVP Fier, për largim nga banesa. 14-vjeçarja ndodhet në gjendje të mirë shëndetësore”, thuhet në njoftimin e policisë.