Pse ndodhin abortet dhe për çfarë arsye përsëriten tek disa gra

Çfarë janë abortet?

Vdekja e bebeve në barkun e nënës para javës së 20-të quhet abort. Më shumë se gjysma e të gjitha shtatzënive mund të përfundojnë me dështim, nuk e dimë numrin e saktë, sepse shumica  e tyre mund të ndodhë para se një grua ta kuptojë se është shtatzënë. Shumica e dështimeve ndodhin në tremujorin e parë (javën e 13-të) të shtatzënisë. Abortet mund të jenë spontan dhe klinik.

Shumë qifte janë të stresuar nga abortet dhe frika të fillohet një shtatzëni tjetër pas një aborti spontan është evidente.

Egzistojnë shumë faktorë që ndikojnë tek abortet e përsëritura ndër to mund të jenë:

– Infeksionet janë një faktor potencial i aborteve dhe i lindjeve të parakohshme. Gjatë pranisë së infeksionitë është e nevojshme që të dy partnerët të marrin terapi.

– Defektet strukturore të mitrës dhe polipet endometriale.

– Trombofilet janë çrregullime në sistemin e koagulimit të pacientes, ato mund të jenë të lindura dhe të fituara. Ato janë edhe shkak i presionit të lartë të gjakut në shtatzëni dhe i ndalimit intrauterinës.

– Një shkak shumë i rëndësishëm i shfaqjes së abortit në tremujorin e parë është edhe predispozicioni gjenetik. Shkak i aborteve të përsëritura mund të jetë edhe prishja e funksionit të tiroides, mos rregullimi i diabetit, sindromi policistik ovarial, çrregullime të stilit të jetesës.

– Në grupin e rrezikut bëjnë pjesë edhe pacientët me funksion të reduktuar ovarial.

– Ato mjedisorë si dhe shumë faktorë të tjerë.

Vlerësimi i humbjes së përsëritur të shtatzënisë mund të përfshijë:

– Testet e gjakut: Për të kontrolluar për shënjuesit e lupusit, funksionin e tiroides dhe faktorë të tjerë

– Testimi i kariotipit: Për të përjashtuar anomalitë kromozomale

– Vlerësimet e mitrës: Për të zbuluar çështjet me mitrën

Njëri ndër faktorët qe luan një rol shumë të rëndësishëm për abortet habituale është polimorfizmi gjenetik trombofilik.

Aktualisht ekzistojnë meta analiza të polimorfizmit gjenetike trombofilike të ndërlidhura me aborte habituale siç janë: Mutacioni i faktorit V Leiden, Mutacioni i protrombinës, polimorfizmi i gjenit aktivizues plazminogjenit.

Pra janë shumë faktor të mutacioneve gjenetike të trombofilisë të cilat ndikojnë në zhvillimin e aborteve habituale tek pacientët.

Për trajtimin e rasteve të tilla nevojitet një kujdes i veçantë i mjekut së pari për diagniostifikimin e sëmundjes e pastaj për trajtimin e saj. Trajtimi fillon që në ditët e para të filimit të shtatëzanisë me Aspirin tbl 75mg 1×1 në ditë deri në javën e 32-të shtatzënisë dhe Fraxiparin amp 0.3 çdo ditë deri në lindje. Përcjellja e analizave laboratorike si D Dimer APTT dhe kuoagulogramit janë pjese e pa ndashme e këtij trajtimi.

Është e mundur që kirurgjia, këshillimi gjenetik ose teknologjia e asistuar e riprodhimit mund të përmirësojnë shanset tuaja për një shtatëzani të shëndetshme. Edhe pse zakonisht nuk ka asnjë arsye mjekësore për të vonuar përpjekjen për të mbetur shtatzënë përsëri pas një aborti, ju mund të dëshironi të kërkoni mbështetjen e një terapisti të kualifikuar për t’u marrë me emocionet e abortit dhe për të adresuar çdo ankth ose depresion që mund të keni.