Shkencëtarët zbulojnë mënyrën më të mirë për të qetësuar një foshnjë që qan

Për të ndihmuar prindërit që me zor flenë për shkak të foshnjave që qajnë, studiuesit kanë kryer një sërë eksperimentesh për të gjetur çfarë i qetëson më së miri.

Pasi filmuan prindërit duke përqafuar foshnjat e tyre, duke i mbajtur në krahë, duke i tundur apo duke i shtrirë, shkencëtarët arritën në një strategji optimale, ose të paktën një strategji që funksionon më mirë se të tjerat.

Në një artikull në Current Biology, ekipi rekomandon që prindërit të marrin foshnjën që qan, të ecin përreth me të për pesë minuta – pa ndonjë ndalesë të papritur ose ndryshim të papritur të drejtimit – dhe më pas të ulen dhe ta mbajnë për pesë deri në tetë minuta përpara se ta shtrijnë në shtrat përsëri.

Ky veprim funksionoi më mirë se pjesa tjetër, megjithatë shkencëtarët nuk po pretendojnë se funksionon 100%.

“Fëmijët mund të kenë netë pa gjumë për arsye shumë të ndryshme”, tha Gianluca Esposito, një profesor i psikologjisë së zhvillimit. “Nëse foshnja ka dhimbje barku, nuk mendoj se kjo do të bëjë punë. Fatkeqësisht, mendoj se shumë prindër do të kenë ende netë pa gjumë. Kjo është pjesë e të qenit prind.”