Shpresë për kurimin e kancerit tek fëmijët

Tumoret te fëmijët nuk janë njësoj me tumorët e të rriturve.

Ata shpesh mbajnë mutacione të veçanta, reagojnë ndryshe ndaj medikamenteve dhe formohen si pasojë e shkaqeve të ndryshme nga ata të të rriturve. Këto janë disa nga arsyet përse vetëm katër nga medikamentet e shpikura së fundmi për trajtimin e kancerit kanë marrë miratimin nga Administrata e Ushqimit dhe Barnave të SHBA në 25 vitet e fundit, ndërsa 100 të tilla janë miratuar për të rriturit.

Tashmë studiuesit thonë se kanë gjetur një mënyrë të re për të luftuar kancerin te fëmijët, një mënyrë e cila synon të bëjë të mundur që qelizat tumorale të jenë të afta për të riparuar ADN-në e tyre.

Kjo punë që po bëhet është “një hap i madh në drejtimin e duhur”, tha onkologu pediatër John Maris i Shkollës së Mjekësisë të Perelman, në Universitetin e Pensilvanisë.

Tumoret që prekin fëmijët kanë tendencën të dobësohen, gjë që u konstatua nga onkologu pediatrik Alex Kentsis i Qendrës së Kancerit Memorial Sloan Kettering në New York dhe kolegët e tij.

Shumica prodhojnë PGBD5, një proteinë që mund të shkaktojë mutacione në genet që sulmojnë kancerin, si edhe gene të tjerë. (Geni që kodon proteinën është joaktiv në shumicën e qelizave të shëndetshme te fëmijët dhe të rriturit dhe funksioni i tij normal është i paqartë.)

Shkencëtarët zbuluan gjithashtu se për të mbijetuar, një qelizë që prodhon shumë PGBD5 duhet të jetë në gjendje të riparojë ADN -në e saj, ndoshta sepse proteina shkakton mutacione të cilat mund të vrasin qelizën. Duke bllokuar këtë ripërtëritje të qelizës, atëherë organizmi është në gjendje të parandalojë tumorin në hapat e tij.

Kentsis dhe ekipi i tij e kanë testuar tashmë këtë ide.

Ata filluan me përzgjedhjen e pesë molekulave për të cilat hulumtuesit kishin njohuri. Këto molekula nxisnin qelizat për të përmirësuar ADN-në e tyre të dëmtuar. Kur shkencëtarët i shtuan këto molekula në qelizat jo-kanceroze, që ata i kishin përgatitur për të prodhuar proteinën PGBD5, një medikament i njohur si AZD6738, i tejkalonte të tjerët, duke vrarë rreth 80 përqind të qelizave që prodhonin PGBD5.

Mjekët tashmë po testojnë medikamentin AZD6738 te pacientët e rritur me kancer, për shkak të vetisë së tij për të penguar riparimin e ADN-së, por efektet e tij te tumoret e fëmijëve ishin të panjohura. Pra, Kentsis dhe kolegët e tij vlerësuan nëse medikamenti vret qelizat e kultivuara nga katër lloje të kancerit të fëmijëve: tumori i eshtrave Sophomus Ewing; tumoret e sistemit nervor neuroblastoma dhe medulloblastoma; dhe tumor rhabdoid, i cili zakonisht formohet në veshkat. Krahasuar me qelizat normale, qelizat nga të katër varietetet e tumorit ishin më të prekshëm ndaj medikamentit.

Shkencëtarët më pas matën ndikimin e AZD6738 te tumoret që rriten te minjtë. Pas vendosjes së qelizave nga katër llojet e këtyre kancereve në kafshë, shkencëtarët i lejuan tumoret të zhvilloheshin dhe më pas injektuan një dozë AZD6738 te disa nga minjtë. Rreziqet e këtij medikamenti u kufizuan te minjtë.

“Ajo që është emocionuese në këtë studim është se identifikon një mekanizëm të ndryshëm për të përcaktuar reagimin ndaj një medikamenti”, tha onkologia pediatre Katherine Janeway, e Institutit të Kancerit Dana-Farber në Boston. Ajo thotë se qasja e ekipit për të synuar riparimin e ADN-së me AZD6738 ose drogat e ngjashmë është “e denjë për një spital klinik”.

Por disa mjekë të tjerë thonë se gjykimet e tilla klinike janë të parakohshme, sepse droga nuk duket të jetë mjaft e fuqishme. Në eksperimentet e kafshëve, ai vë në dukje AZD6738 nuk shkatërroi tumoret, por vetëm sa u parandalua rritja e tyre.

Burimi: Sciencemag.org

Share With:
Translate »
937 Views