Si i shohin foshnjat e porsalindura prindërit e tyre

Shumë nga ju ndoshta e kanë çuar nëpër mend se si na shohin të porsalindurit kur shqisat e tyre nuk kanë marrë ende zhvillimin e tyre të plotë.  Madje mund të themi se disa prindër nuk e dinë se kur është momenti kur fëmija fillon të kuptojë emocionet e tyre.

Në një studim nga Universiteti Psikologjik i Oslos dhe Uppsalas psikologët kanë shqyrtuar reagimet e foshnjave dy  deri në tri ditëshe. Sipas rezultateve, maksimumi i distancës për një të porsalindur për të dalluar nëse je i lumtur apo i mërzitur është 30 centimetra. Nëse distanca rritet në 60 centimetra apo më shumë, imazhi që sheh fëmija është thjesht i mjegullt.

Psikologët  përdorën video në të cilat kishin fokusuar fytyra që ndryshonin në mënyrë konstante ndjeshmërinë emocionale. Reagimet e të porsalindurve ishin një indikator nëse ata mund të dallonin ndryshimet mes buzëqeshjes dhe acarimit. Në përgjithësi për distanca më të vogla se 30 cm saktësia ishte më e madhe. Megjithatë, të dallosh emocionet nuk do të thotë që mund t’i kuptosh ato, aq më pak kur është fjala për të porsalindurit.

Share With:
Translate »
371 Views