Si t’u tregojmë vajzave për menstruacionet dhe t’i parandalojmë ato të bëhen një tabu

Të flasësh për menstruacionet është ende tabu. Por, për të parandaluar që vajzat (dhe madje edhe djemtë) të rriten të bindur se një atmosferë misterioze e rrethon këtë ngjarje natyrore, është e rëndësishme t’i mësosh ato që në moshë të hershme me thjeshtësi dhe ta trajtosh po kështu edhe për vajzën tënde. Seksologia Roberta Rossi na shpjegon se si ta bëjmë.

Gjërat e mia. Cikli. Markezi. Për të filluar edukimin e vajzave për të njohur trupin e tyre, duhet të fillohet duke u dhënë emrin e duhur gjërave. Menstruacionet janë menstruacione. Terma të tjerë të pasaktë, që nënkuptojnë siklet ose turp duhet të shmangen sepse rrezikojnë menjëherë të komplikojnë marrëdhënien me një nga ngjarjet më natyrore me të cilat vajzat duhet të përballen. “Para se të flasim për menstruacionet, është e rëndësishme të shfrytëzohen disa mundësi, të tilla si rritja e gjoksit ose rritja e flokëve, për të filluar të flasim me vajzat për ndryshimet anatomike dhe fiziologjike që do të vijnë” shpjegoi Dr. Roberta Rossi për Fanpage.it, seksologe.

Si t’u shpjegojmë vajzave se çfarë janë menstruacionet

Të flasësh për menstruacionet është ende tabu. Por nëse nënat dhe baballarët arrijnë të merren natyrshëm dhe thjesht me këtë temë, fëmijët, djem dhe vajza, do të jenë të gatshëm të flasin për të lirshëm, pa atë atmosferë misterioze që zakonisht përfshin të gjitha fazat e ciklit menstrual. “Ndërkohë, është mirë që gjithmonë të flitet qartë për të shmangur konfuzionin dhe fjalët e pathëna. Dhe pastaj thjesht shpjegoni se menstruacionet nuk janë asgjë më shumë se një ngjarje natyrore, një moment rritjeje, që do të vijë një herë në muaj dhe se nëse e dëshironi kur do të ndiheni të gatshëm mund të zgjidhni të keni një fëmijë”.

Historitë e nënave rreth menstruacioneve

Marrëdhënia e nënës me menstruacionet do të ndikojë në mënyrë të pashmangshme edhe te vajzat e saj. “Nëse nëna vuan nga dhimbje menstruale, nëse duhet të marrë ilaçe ose të pushojë, ajo me siguri do t’i dërgojë vajzës së saj një mesazh që nuk është saktësisht ngushëllues. T’i tregosh vajzës tënde të vogël për menstruacionet e saj të para mund të jetë një ide për të ndarë këtë moment të tranzicionit, por vlen ta bësh vetëm nëse episodi është qetësues. “I shmangim historitë e terrorit ose ankthit. E ndajmë këtë përvojë nëse duam t’u tregojmë vajzave tona një kuriozitet ose si e pritëm mbërritjen e ciklit. Por unë do të evitoja nëse marrëdhënia jonë me menarkën do të ishte traumatike”.

Gjaku nuk do të thotë dhimbje

Një element tjetër për t’ju sqaruar të gjitha vajzave që presin ardhjen e menstruacioneve është se gjaku nuk është sinonim i dhimbjes. “Djemtë dhe vajzat e lidhin gjakun me një plagë, por në këtë rast është mirë të sqarohet se është fiziologjik dhe absolutisht pa dhimbje (duke lënë mënjanë ngërçet e barkut)”.

Menstruacionet nuk janë një limit

Në qetësimin e vajzave se menstruacionet janë një ngjarje absolutisht normale, është mirë t’u shpjegohet atyre se asnjë aktivitet, asnjë sport, asgjë nuk u përjashtohet kur kanë menstruacione. “Duhet të përcjellim natyrshmërinë dhe thjeshtësinë. Mesazhi duhet të jetë i qartë, nuk duhet të ndihemi të kushtëzuara ose të ndikohemi”. E njëjta ndjenjë qetësie duhet të transmetohet gjithashtu në lidhje me ardhjen e menarkës, ndonjëherë vajzat përballen me shokët e klasës, me miqtë, dikush mund të arrijë atje para tjetrit dhe rreziku është që ato të ndihen të papërshtatshme. Do të vijë koha për të gjithë, ju vetëm duhet të prisni, nuk keni pse të ndiheni në faj nëse periudha juaj nuk ka mbërritur akoma ose nëse ka mbërritur më herët se moshatarët tuaj”.

A duhet festuar apo jo menarka?

Në Shtetet e Bashkuara, 2 në 3 nëna vendosin të festojnë ardhjen e menstruacioneve me një “Festë Periodash”. Në Itali, në disa rajone, ky moment festohet me një dhuratë. Por a jemi të sigurt se është vërtet e nevojshme? “Sipas mendimit tim jo, nuk është aspak, – shpjegon seksologu. – Kemi thënë që menstruacionet janë një ngjarje fiziologjike dhe natyrore. Është e vërtetë që është kalimi nga fëmijëria në moshën e rritur, por pse të theksohet dhe t’i jepet rëndësi një ngjarjeje kaq të natyrshme?”. Përkundrazi, rreziku është që stereotipi i gruas – nënë të vazhdojë. “Pse duhet të festojmë? Pse, tani ekziston mundësia e lindjes së fëmijëve?”.

Etërit, vëllezërit dhe menstruacionet

Mund të ndodhë që menstruacionet të vijnë kur jeni në shoqërinë e babait që ndoshta është i divorcuar nga nëna. Për këtë arsye, sot më shumë se kurrë është e nevojshme që edhe baballarët të jenë të përgatitur ta trajtojnë këtë temë me vajzat e tyre. “Nuk është një përgatitje e veçantë, thjesht duke ditur se për çfarë po flisni. Baballarët dhe vëllezërit e dinë se çfarë është, sigurisht që nuk do të jetë hera e parë që ata dëgjojnë për menstruacionet ose tamponët. Normalizojmë menstruacionet edhe kur duhet të flasim për këtë me ta”. Nuk mund të jetë më tabu të kërkosh nga babai dhe vëllezërit e motrat të blejnë peceta higjienike në supermarket.

Përgatiti Orjona Tresa / Burimi Donna Fanpage

/Revista Psikologji