Tom Daley dhe partneri i tij Dustin Lance Black së shpejti do të bëhen prindër
Zhytësi olimpik Tom Daley dhe bashkëshorti i tij Dustin Lance Black, në ditën e Shën Valentinit kanë dhënë lajmin më të bukur për ta.
Në rrjetin social Instagram Tom Daley ka publikuar një foto ku shfaqet me partnerin e tij dhe në duar mbajnë ekon e një bebi. Krah fotos ai shkruan: “Gëzuar Shën Valentinin”.
Pas kampionit të zhytjes edhe partneri i tij, 43 vjeçari ka publikuar të njëjtën foto, ku konfirmonte lajmin.
Një zëdhënës i zhytësit olimpik tha: ‘Tom dhe Dustin janë të kënaqur për të ndarë me njerëzit lajmin se ata presin fëmijën e tyre të parë, i cili do të vijë në jetë në vitin 2018.
Fotografia me ultratinguj nënkupton se çifti po përdor një nënë surrogate për t’u bërë prindër, në vend që ta adoptojë.
