Virusi sinsicial, Bino: Fëmijët duhen çuar urgjent tek mjeku, ka patur raste të rënda

Ulja e temperaturave është shoqëruar me rritje të numrit të fëmijëve të prekur nga viroza të stinës.

Mes shumë viruseve në qarkullim, shefja e Departamentit të Sëmundjeve Infektive në Institutin e Shëndetit Publik pohon se në qarkullim është edhe virusi respirator sinsincial, ose i njohur me termin RSV,  i cili prek kryesisht të vegjlit dhe mund të shkaktojë fatalitet.

“Ka pasur raste, dhe raste të rënda me virusin respirator sinsincial, është një virus që prek fëmijët dhe moshat e reja dhe ato mbi 65 vjeç,” – u shpreh Bino.

Bino apelon që prindërit të paraqiten menjëherë tek mjeku, që në shenjat e para.

Nisur nga alarmi i dhënë për virusin respirator sinsincial, specialistët e Institutit të Shëndetit Publik, do të përfshijë në punën e tij testimin për këtë virus.

Për t’u mbrojtur nga virusi respirator sinsincial, për të rriturit tashmë është miratuar vaksina dhe Instituti i Shëndetit Publik, po punon për futjen e saj edhe në Shqipëri.

Share With:
Translate »
67 Views