Xhensila dhe Ajka fotografohen ndërsa presin rradhën për të hyrë në bankë
Një ditë e zakonshme që nuk ka asgjë ndryshe. Këngëtarja bukuroshe, Xhensila Myrtezaj, është fotografuar nga paparazzi i “Panorama Plus” duke pritur me durim në një radhë të gjatë, për t’u futur në një bankë.
Është kujdesur për veshjen gjithë stil, ndërkohë që flokët i ka të mbledhura dhe bashkë me të, ka pritur në radhë edhe vajza e saj, Ajka. Xhensila publikoi në “Instagram” një video pak ditë më parë, me anë të së cilës rrëfeu simptomat që e kishin bërë të dyshonte se ishte prekur nga kanceri i gjirit.
“Dua të rrëfej një histori të vogël dhe dua të them që të gjitha jemi të barabarta në këtë luftë, askush nuk përjashtohet, kushdo qoftë! Pas lindjes së vajzës dhe pasi mbaroi procesi i gjidhënies, kuptova që kishte diçka që nuk shkonte me trupin tim…Besi më dërgoi menjëherë te mjeku dhe falë Zotit gjithçka ishte në rregull, ishin thjesht disa ciste që i dalin nënave pas gjidhënies”- tha ajo.