Grupi italian, një shembull për të gjithë! Do ta presë Vitin e Ri me të prekurit nga tërmeti! (VIDEO)

Partnerët italianë të Welcome Albania sollën në Shqipëri një grup të specializuar emergjencash me pajisjet më të fundit për t’u ardhur në ndihmë të prekurve nga tërmeti.

Një grup i nevojshëm specialistësh u nisën drejt Shqipërisë me 4 autoambulanca, për të qëndruar pranë dhe për të ndihmuar njerëzit në nevojë.

Ndonëse jemi në vigjilje të Vitit të Ri, një pjesë e madhe e këtij grupi ka qëndruar në Shqipëri, duke u marrë me shpërndarjen e ndihmave.

Viti i ri do t’i gjejë këta të rinj duke shpërndarë lodra për të vegjlit për të dhuruar sadopak buzëqeshje në fytyrat e tyre.

“Iconstyle.al” ka siguruar një video të shtetasve italianë duke dhuruar lodra për fëmijët në Renas.

Ata do të qëndrojnë deri në datë 5 janar në Shqipëri, dhe me sa duket festa për ta do të jenë buzëqeshjet në fytyrat e këtyre njerëzve në nevojë.

Në kuadër të kësaj iniciative të bizneseve, Italia ka qenë një ndër shtetet mike që ka sjellë përforcime me mjekë dhe ndihma drejt Shqipërisë.

Share With:



61 Views