Po luanin me biçikletë, bien nga ura e Kukësit dy fëmijë

Dy fëmijë të moshës 12-vjeçare të cilët ishin duke lëvizur me biçikletë kanë rënë nga ura duke u rrëzuar në lumë. Ngjarja ka ndodhur në  Kukës ku fëmijët kanë rënë nga ura e vjetër e Uzinës. Sipas hetimeve parapake dyshohet se fëmijët janë rrëzuar nga pakujdesia. Ata janë dërguar me helikopter drejt Spitalit të Traumës në Tiranë dhe sipas mjekëve ndodhen jashtë rrezikut për jetën.