“Stresi shkakton humbjen e shtatzënisë” – një mit apo e vërtetë?
Stresi gjatë shtatzënisë, a mund të referohet si një faktor rreziku për abort apo mund të jetë një mit se ndikon në humbjen e shtatzënisë (abort)? – Cila është e vërteta?!
Tregimet e mëparshme kanë ndërlidhur se gjendja jo e mirë emocionale gjatë shtatzënisë sjell pasoja në shëndetin e nënës dhe foshnjes, por ideja se a ndikon stresi gjatë shtatzënisë, tashmë flasin edhe studimet shkruan VeryWellFamily, transmeton Gazeta Shneta.
Studimet kanë zbuluar se stresi ndërlidhet me humbjen e shtatzënisë, por vet studiuesit nuk bien dakort me rezultatet.
Kjo pasi është vështirë të studiosh e aq më tepër të vlerësosh se stresi është indikatori i humbjes së shtatzënisë.Realisht, në jetën e përditshme, çdo njeri ndien nivele të ndryshme të stresit dhe të gjithë e përpunojnë atë në forma të ndryshme.
Edhe gjatë shtatzënisë, çdo grua shtatzënë shqetësohet, pavarësisht nëse shqetësimet lidhen me shëndetin e saj apo të foshnjes, apo edhe nga faktorët e jashtëm.
Teoritë mbi rolin e stresit
Teoritë e kanë qartësuar arsyjen e ndikimit të stresit në zhvillimin e foshnjes, dhe e tërë kjo përqëndrohet tek hormoni kortizoli.
Kortizoli ka tendencë që të rritet dhe të kalojë vlerat normale gjatë shtatzënisë, meqë rast kalon placentën dhe ndërhyn në zhvillimin e foshnjes.
Studimi i vitit 2008, ku pjesëmarrës ishin 20 mijë gra, zbuloi se gratë të cilat raportuan nivele të larta të stresit ishin të predispozuara të përjetonin humbjen e shtatzënisë.Përshtatja me një sërë faktorësh tjerë, të tillë si mosha e nënës apo faktorët tjerë nuk i ndryshuan rezultatet.
Në anën tjetër, një analizë e 39 studimeve të mëparshme zbuloi se nënat që përjetonin depresion, ankth dhe stres mund të përjetonin lindje të parakohshme.
E vërteta qëndron se ende nuk është konkretizuar se stresi shkakton humbjen e shtatzënisë, por gjithashtu nuk mund të konsiderohet edhe si një mit.
Së fundmi, stresi është i pashmangshëm tek njerëzit, andaj mundohuni të realizoni aktivitete relaksuese për të ulur nivelet e stresit.Duke vepruar kështu, ju përmirësoni shanset tuaja për një shtatzëni të shëndetshëm.
