Tragjedi në SHBA, 1-vjeçari vdes nga ameba që hante trurin

Një tragjedi ndodhi në Arkansas të SHBA-së, një foshnjë vdiq pasi ra në kontakt menjë amebë që hante trurin, i cili u ekspozua teksa po notonte në një pishinë.

Djali i vogël u infektua me Naegleria fowleri, një amebë që banon në ujë që shkakton inflamacion në tru, duke e shkatërruar atë dhe duke vrarë gati 100% të njerëzve që infektohen me të.

Departamenti i Shëndetësisë në Arkansas ka konfirmuar përmes testeve laboratorike se pishina ku luante djali i ri dhe ndoshta shumë fëmijë të tjerë, përmbante gjurmë të amebës. Autoritetet mbyllën menjëherë pishinën.

Naegleria fowleri është një mikroorganizëm njëqelizor që jeton në ujë të freskët, siç është ai që rrjedh nga burimet.

Paraziti hyn në hundë dhe udhëton nëpër rrugët e hundës, ku arrin në tru dhe ushqehet me indet e trurit, duke e çuar pacientin në dëmtime të rënda neurologjike. Infeksioni quhet meningoencefaliti primar amebik (PAM).

Sipas Qendrave për Kontrollin dhe Parandalimin e Sëmundjeve, simptomat shfaqen midis ditës së parë dhe të 12-të pas notit në ujë të kontaminuar dhe vdekja zakonisht pason rreth 5 ditë më vonë.

Simptomat në fillim i ngjajnë një virusi, si dhimbja e kokës, vjellja, ethe dhe ngurtësimi i qafës. Por ata shpejt përparojnë në probleme më serioze neurologjike, të tilla si konvulsione, halucinacione, koma dhe shpesh vdekje.

Vetëm 157 raste të infeksionit janë konfirmuar nga viti 1962 deri në vitin 2022, por vetëm katër persona kanë mbijetuar.